Gurindam Jiwa Luka

Sebut Pasar Siti Khadijah orey Kelate kenal belako,

Kalu mari Kelate, x singgoh sini serupo x keno,

Pasar Siti Khadijah bukey setakat tempat orey nego,

Tapi saloh satu produk pelancongan negaro.


Tahun 1985 start mulo buko,

Sebagai ganti market lamo,

Sebelum Pasar Siti Khadijah diberi namo,

Pasar Besar Kota Bharu jah orey panggil mulo.

Di tempat baru demo nego lebih seleso,

Di sinilah berhimpun, tok peraih, pemborong dan penjajo.


Kalu ado orey kato orey jatey kelate ni malas khijo,

Duk lok ko orey tino jah duk nego,

Kecek gitu sebenarnya tidok keno,

Pasal amalan ni jak dulu kalo,

Demo ni x kenal barey sebenarnyo,

Orey tino duk nego, orey jatey sibuk duk galo.


Mari sini buleh jupo macey2 barey,

Setakat nok Toto, Narita, puyuk, golok, parey,

Bo nok beli so duo barey,

X payoh hungga jauh sapa kaley kubur, rantau panjey,

Kecuali niat beli beley2 nok jaley,

Sini ado belako, boa seriyal duo InsyaAllah rego buleh kurey.


Alik bowoh sekali jual daging, aye, sutong, ikey,

Jangoklah mokcik nego sayur duk selo atas gerey,

Paka geley mas sajo pun doh sekerat lengey,

Tapi gak herey setaro tu demo kato sesok lagi orey Kelate 


Meriahnya nego sini jak dulu sapa loni,

Gelewaknya orey nok2 hari cuti,

Nok sambal daging, awah suro, awah kari,

X payoh gi jauh, sini pun buleh cari.


Pasar Siti Khadijah tempat lubuk cari rezeki,

Nego macey2 wat tambah sumber ekonomi,

Orey Kelate ni pesen suko beli,

Keno time molek, nok jaley pun x leh surong kaki,

X dey minum air lagi, ado doh demo mari gori,

Sukonyo tengok orey nego sini,

X peliklah kalu orey nego sayur pun buleh main kutu seratus riyal sari.


Setakat nok makey sini x jadi halangey,

Buleh jupo macey2 makeney, 

Start ko tepung boko, kuih taik itik sapa lah ko serabey,

Mee celup, sup tuley, gular serati, gular ketey,

Makaney sedap, orey nego pulok comel2,

Jangey duk wat terbolah takutnya keno ko bini orey,

Lamo khey orey makey atas market demo makey di wad kecemasey.


Market ni loni doh x serupo mulo,

Dulu kalu nok kato kotor pun buleh kiro,

Setakat nok tengok tikus besar poho x pelik apo 

Loni pihak berkuasa duk pantau sokmo,

Kito sebagai pengguna jangey duk tohok sapoh rato2,

Kebersihan ni tanggungjawab kito semuo,

Bukey setakat tanggungjawab tapi dituntut dalam agamo.


Ikut erey banyok lagi nok bari,

Tapi padey lah setakat kali ni,

Nok royak lebih2 pun ambo tidok reti,

Gurindam ambo ngarut2 koksir jah ni.

10 Comments

  1. x pernah lagi sampai kelantan, kalau ke sana mesti gi sini kan

    ReplyDelete
  2. pergi time cuti, berebut tempat duduk kt tmpat makey..best! macey2 ada

    ReplyDelete
  3. Pernah sekali je sampai ke Pasar Siti Khadijah ni. Baru2 ni kecoh kan ada insiden gaduh berebut pelanggan kat situ.

    ReplyDelete
  4. saya juga suka pergi kalau ke sana..cuma dah tak upaya kalau naik tangga ke tingkat atas...

    ReplyDelete
  5. prnh smpai...tp dah lebih 10tahun..kene pegi lagi nie

    ReplyDelete
  6. Saya kalau pergi kota bharu mmg akan singgah pasar ni

    ReplyDelete
  7. Betul tu.. Kalau ke Kota Bharu wajib ke Psr Sti Khadijah.. Beli kopok ikan berkilo2 hahaha..

    ReplyDelete
  8. Selalu singgah bila kelik kelate. Beli kuih, serunding, ngan rempah kari. :D

    ReplyDelete
  9. Alhamdulillah...pernah singgah di sana pada tahun 2019 dulu

    ReplyDelete
  10. Belum rezeki saya sampai Kelantan abam 😄. Teringiiiiin sekali nak kesana. Pengen dengar langsung aksen orang Kelantan kalau bicara juga 👍

    ReplyDelete

Thanks for leaving your comment. Please come again. I will visit your blog soon.