Acu pakat2 share sikit2 sorey, sapo dio dey merasa suasana bekwoh zamey dulu. Mungkin ado anok beranok ambo sendiri dulu pun nikoh lagu ni jugok .

Ambo nok bari sikit sebanyok, sepatoh selidoh mengenai tradisi bekwoh orey zamey ritu. Biarlah panjey pun, ambo nok tulis jugok.

Dulu2 seminggu nok bekwoh, anok beranok, worih waroh ni sibuk doh duk kumpul rumoh bakal pengantin. Kalu pesen jenis ado worih alik sano (siey), meh2 sebutir kampungnya mari. Orey dulu2, pangkat 3 pupu pun serupo adik beradik lagi. Tu lah na ' im nyo orey dulu. Jago hubungan sungguh2 samo anok beranok .

Seminggu nok mula majlis, sibuk doh ni worih waroh, anok beranok cari kayu, beloh kayu api duk susun bowoh rumoh, bowoh bangsal. Pingey2, gelas2 x cukup, pinjey hok jiran, pinjey hok atas balasoh. Sekalo bowoh pingey ko bowoh gelas, ado tando cat putih pasal x bui tu ' kar nga hok orey lain. Kawoh gitu jugok, x cukup kawoh pinjey nga mano orey hok ado. Dan ambo rajin bual nga orey2 tuo, peringkat dulu2, katil pun demo pinjey lagi kalu time nok nikoh. Pasal dulu2 daley sebutir kampung, ado lah 3, 4 butir rumoh jah orey hok ado katil. Pah duk badi gilir usung lah, kalu ado time bekwoh tupoh. Nok bari nyo sini, pinjey minjey barey ni dulu dah jadi tradisi daley masyarakat Melayu, termasuklah minjey reng kudrat nok wat satu2 khijo atau istilah  daley bahasa Kelate, orey panggil makey pinjamey. 

Suko lah dulu klu time bekwoh, kanopi2 ni x dok lagi. Paka main tebey buluh jah wat bangsal tempat orey makey ko pat gulai. Usung tu gak buluh, letok atas bahu, keno pulok panjey lebih pado 20 kaki gak, sero senget bahu2. Nok2 pulok pohon buluh pulok duduk jauh, bero habis bahu. Bangsal pade tudung nga khemoh treler jah wat ganti zink. Time hujey, bertakung habis air daley khemoh. Nanti nok cocoh nga batey kayu. 

Dulu2 kalu nok bekwoh ko nok wat sebarang khijo sekalipun, demo pacok hari comel. Kalu bekwoh orey dulu biasa pilih hari Khamis atau pun hari Jumaat. Khamis tu sebab orey khijo sekerat hari hari tu. Jumaat pulok mugo penghulu segala hari. Dulu x dok timbul macey loni, tunggu nok bekwoh nanti tunggu musim cuti sekoloh. Pah tu gak mula lah jemeruk, 7, 8 tempat sari daley satu maso. Orey dulu x kiro musim cuti sekoloh ko dop, gulai ni ado sokmo. Campur pulok nga anok beranok pun maso tu ramai duduk kampung. Gulai dulu start 10 pagi rapat pah ko 10 maley. Maley pun ado lagi gulai time tu .

Pagi2 bo bo ceroh tanoh, sibuk doh orey jatey kilik korey hok duk bowoh dapur, mari pakat kukur nyor. Nyor seminggu nok bekwoh demo start koyok doh.

Ado macey jong time pat bekwoh dulu, jong kako, jong air, jong tunggey, jong dapur, macey2 jong ado. Menu bekwoh dulu hok 'wojib' ado daging buku besar, tidok pun ayam masok meroh atau pun percik kerat 4, dalca, gulai, siro labu, siro ubi stelo, keresek, sambal. Gitu jah. Tapi masakan orey dulu memey terbaik! Kalu nok hantuk nga masakan loni, atas citarasa masing-masing lah. Air x dok pelik2, air sirap jah pah ceroh. Behey pulok air telago terus. Kalu gi alah gelap sikit, sirap pun pucat doh. Manis sirap bo bo sero, hawo air batu bo bo ado jah. Pasal air batu takung habis licin doh.

Sebut pasal bekwoh dulu, jangey ditinggal ko watak penting iaitu jong kako. Kalu x dok jong kako pat gulai, sero memey x meriah. Daley barisan jong kako ni, ado sorey chief of jong kako. Chief ni lah jong bagi arahan ko tengok jong kako ni jenis ngular ko rano. Wi kain tuala good morning so letok atas bahu. X cukup kain tuala good morning pun mecok jugok.

Jong kako ni lah jong bahagiey ngidey hidangey. Trend dulu, x dok lagi istilah buffet, laye diri serupo loni. Daley satu hidangey buleh makey 4 - 5 orey. X cukup gu, keno tunggu jugok gu biar cukup orey. Makey ngidey gini lalu, jadi hubungan tu ado. Kalu sudoh makey, x caro ko gaduh kelik lagi. Tunggu sudoh orey makey dulu. Cumo so jah hok x tehey nyo, keno daley ramai2 tu ado jenis tamok. Nyo cekor daging buku besar paka bubuh daley pingey dio sorey, doh napok payoh sangat nok cobek. Daging buku besar nga aye meroh kerat 4 ni barey x leh namboh pasal jong dapur stemet cukup2.

Jong kako dengan tuala good morning atas bahu, bimbit beledi kecik sebutir wat tamboh gulai. Orey x suruh tamboh pun, nya cebok tamboh semacey gulai. Cumo, nasi, gulai nga sambal jah buleh namboh nyo. Bahagian khopeh aye, buleh ko jong kako. Makey pulok nga kerok nasi daley kawoh ... owhh nyakut lah.

Nok balik rumoh, tuey khijo upoh lah gulai supit, pulut kuning buleh sejura. Pulut kuning pulok nya kerah .. meh2 tanoh kor nya keras. Nok wat rano 3 hari nok bekwoh pun tanok doh. Ado jugok dikalange jong kako ni mecok balik awal, beley2 mecok, rokok Dunhill bedal doh sebungkus bubuh daley poket .

Panjey kalu nok tulis sungguh tradisi bekwoh dulu.... Pehe ko gapo hok Abe Kie taip alik atah tu? Kalu x pehe sila guna Google Translate lah deh? hehehehe